اكيد........!

وانتى يا سامعه وشايفه احلامى فوق الوصف؟؟؟؟؟؟؟؟؟؟

تمام يا افندم

لو تتمنى تصير جنونى بتصير فى لمح البصر................
المتنبى قال زمان كم فى مصر من مضحكات ولكنها مضحكات كالمبكيات
وشاعر تانى مش فاكر اسمه بس كان كده وكده يعنىحصل زلزال فى مصر فى بدايه حكم كافور الاخشيدى على ما اذكر فالناس اتشائمت فالشاعر الكده وكده قام قايل بيت كده زى الفل يعبر عن ان دماغه شغاله وان اللى بيعيش وقتهبيموت على طول قال ايه بقى الشاعر الهمام ده
ما زلزلت الارض من سؤ يراد بها ولكنها رقصت من عدله طربا
هو ده بالظبط الفرق بين اللى بيعيش وقته ......... واللى بيعيش نفسه
اكيد كل الناس اهتمت بموضوع الحضرى الحضرى الخاين العميل الزنديق الكافر اللى باع بلده واهله وناسه اللى باع روح وريحه الفانله الحمرا
وبعد كام يوم الحضرى اللى غلط ولازم يتعاقب على اد غلطه احنا مش هنشقه
وبعد كام يوم كمان احنا هنسى ان الحضرى ده هو اللى جابلنا الكاس
ثم بس.......خلااااص
سياده الريس المبجل المسجل المفجل اامر ان موضوع الحضرى يخلص( ) بين قوسين دى كلمه قبيحه الهدف منها الاعتراض
خلاص الريس خلص كل مشاكل البلد دى وحل كل الازمات ولف على الشباب كل شب وكل فتاء وحللهم مشاكلهم واتبقى مشكله الحضرىالريس تبعنا ابو قلب كبيرانا عندى شويه مشاكل تعررف تحلها
بلاش مشاكلى انا تعررف فى كام واحد فى البلد دى مفرومين مطحوننين تعرف ان كيلو الرز بقى بتلاته جنيه ونص
تعررف ان البيضه بقت بستين قرش يعنى حته البيض غلى يعنى الناس مهما حصل فيها بعد كده مش هتتبضن
انا نفسى اقول كلام قله ادب كتير اوى نفسى كانت التدوينه دى تطلع قبيحه اوى
على اد البجاحه اللى بقت عند اسيادنا البعده

الظلم لما حكم صبح الامان بقشيش
الندل لما احتكم يقدر ولا يعفيش
والحر مهما اتحكم للندل ما يوطيش

كل الطرق تؤدى الى روما

ملامح كتير وشخصيات اكتر اكيد الواحد استفاد منها واتعلم كتير اوى
منتهى العجب انك تتعلم من شخصيات هى اساسا متناقضه بس انا مش هبصلها كده لانى اتعلمت من اعمالهم مش منهم اتعلمت من مواقفهم مش من اسلوبهم .............
1. الحسين الشهيد الحى
انا هتكلم بلسان عمى ابراهيم عيسى ليه الحسين طلب حق ابوه ومات عليه ممكن نفكر فى كزا سبب
1. المال
2. الشهرة والجاه
3. الشهادة والجنه
لو هو طلب الحق علشان يكسب مال اكيد كان يكفى اليزيد ابن معاويه انه يعطيه كنوز الارض كلها ويكسب راحه البال
الشهرة والجاه اكيد برضه لا لان هو اساسا ابن بنت رسول الله وابن على ابن ابى طلب ومفيش بعد كده تشريف
الشهاده والجنه اكيد برضه لا لان هو اساسا سيد شباب اهل الجنه قبل ان بشهاده رسول الله وكان يكفيه انه يقضى عمره كله فى العباده والطاعه طويب اومال ايه ليه طلب الحق حتى مات عليه؟؟؟؟؟؟؟؟؟؟

2.محمد منير( انت هو انت)
ليه محمد منير حاجه كبيره اوى وليه فيه منايره وليه اصبح منير مش مجرد مطرب بيغنى والناس بتسمع
ليه انا بتعلم منه ليه بصدقه ليه بيخلينى ابكى واضحك واتعامل واعيش واموت كل ده فى اى اغنيه من اغانيه
مع ان اكيد مش احلى صوت ولا اجمل اسلوب ولا ولا الشخصيه الكامله ولا هو امور اوى ستايل جامد
يبقى ليه منير؟؟؟؟؟؟؟؟

3.احمد فؤاد نجم( العشوقيه والمعشقه)
واحد اتبهدل واتسحل واتسجن وجاع وتعب واتعرى بس لسانه مقصرش وعينه متكسرتش بيشرب مخدرات
ولسانه طويل وسوفاج ومش اتيكيت ومحدش عررف يكسر عينه عرف ناس بعدد شعر راسه وقال كلام يهز الجبل
وزلزل الارض من تحت رجل السادات وعبد الناصر ومكسبش مال ولا جاه هو لا شيوعى ولا اخوانى ولا اى حاجه
ولا نفسه حد معين يحكم البلد دى اوماال عايز ايه الراجل ده نفسه فى ايه بيعمل كل ده ليه؟؟؟؟؟؟؟؟؟