اااااخ لو كنت خدت الوصل......!!!!!؟ وصل ايه يا عم انت؟
تبدا الحكايه فى يوم من ايام السنه كان الجو برد جداا جداا وكان ابو حسين البقال هو وولاده قاعدين فى بيتهم يعنى احنا هنقول عليه بيت مجازا يعنى وكانت الحكايه بين عم ابو حسين وابنه حسين علشان الواد حسين كان عايز يسيب المدرسه ويشتغل وابوه اللى هو ابو حسين مكانش عايزه يشتغل .......
.حسين يا ابا انا اتخنقت من العلام واللى بيتعلموه عايز اخرج اشتغل واساعدك واشيل عنك الحمل
.ابو حسين ليه هو انا عويل ولا اتكسحت اما ابقى اموت ابقى اعمل اللى انت عايزه طول ما انا عايش يبقى انت عمل اللى بقوللك عليه انت هتكمل تعليمك وهتبقى باش مهندس بلااااااش كلاااااام فارغ
.ام حسين يا ابو حسين ما تسيب الواد يروح يتعلمله صنعه ياكل منها عيش ويساعدك شويه فى العيشه النار دى واديك شايف الدنيا بقت صعبه ازاى والبت صبحه بقت على وش جواز
. ابو حسين وبلهجه يملؤها الغضب والحنق عليا الطلاق لو حد فتح الموضوع ده تانى لاكون مطين عيشه اهله
عيال بنت كلب يحبو النكد زى عنيهم ده انا لسه دلوقتى قارى فى الجورنال ان الحاله هتبقى فل وزى القشطه بالصلى على النبى
انتو بس تصبرو شويه واحنا ناخد فلوس المكافأه بتاعه نهايه الخدمه ونقوم جايين مظبطين البيت ومكبرين المحل وهشتريللك ياض يا حسين عربيه تروح بيها الجامعه
.حسين يبتسم ابتسامه يملؤها السخريه والشفقه على حال ابوه ويقول عربيه يابا ليه هما هقبضوك مال قارون
.ابو حسين يقولو بس ما تقاطعش بس يا ابن الفقريه بس هى المشكله كلها فى الوصل
ااااااااااااااخ لو كنت خدت الوصل
ليست هناك تعليقات:
إرسال تعليق