من غير كسوف

اكيد مش هتفاجئ فى يوم لو صحيت لقيت نفسى مش انا
لقيت كل حاجه فيا اتغيرت كلامى تفكيرى مشاعرى حتى شكلى مش على ااساس ان الكون كله بيدور
تؤتؤ.... على اساس انى لسه موصلتش لاى يقين انى صح
هو انا مجنون وتايه وحيران ومتردد وسلبى فعلا
ولا انا رقيق وعصفور وشفاف وطيب وقوى وعامل فيها ضعيف ولا انا ضعيف فعلا
ممكن اكون مكونتش صوره كامله عن الاختلاف اللى انا عايز اوصلله
بس اكيد مكون صوره كامله عن اللى مش عايز اوصلله
مش عايز ابقى زى عبده دلوقتى... مش عايز ابقى فى شغلى وانام واصحى من النوم ازعق للى غلطان على اساس انى سوبر
مين اللى قال ان فى سوبر..... ربنا مخلقش بنى ادم سوبر
ربنا خلقنى وسايبنى اغلط وسايب العقاب للاخره...... يبقى ليه بنى ادم زىى يزعقلى وليه اسكتله
مين اللى قال ان الناس طبقات فوق بعضها
طبعا الكلام خدنى
اسف يا عبده انت ممكن تطلع صح
وتطلع الدنيا دى كده بجد
بس انت يا عبده مكنتش بتعرف تزعق لحد
اه انا ممكن اكون مجنون
ممكن اكون مريض
ممكن اكون تايه
ممكن اكون ضعيف
بس انا اقدر ازعق واقدر اأذى
اقدر ابقى ناجح فى شغلى
بس اما تشتغل ساعه وتلاقى الشغل مش بيشدك الشغل خانقك اى حركه اى كلمه ا افيه بيتقال مش بتحسه
بالعكس بتتخنق منه
يبقى انا صح....... اكيد انا صح مش مطلوب منى انى احب ما اعمل حتى اعمل ما احب مين الحاااااوى ده اللى يقدر يحب حاجه هو كارههااصلاااا
انا هرووح لدكتور نفسى بس لو لقيتههو كمان محتاج يتعالج اعمل ايه انا مش عايز دكتور يقولى انا مشكلتى ايه وحلها ايه
انانا عايز دكتور يقولى انا بعمل كده ليه واعمل الصح ازاى
ده لو كنت فعلا غلط
بس ازاااى غلط انا مش طالب اكتر من الاقى نفسى

انى اقول هو ده اللى هو

انى اصحى من النوم وانا عايز اصحى انام وانا عايز انام